媽媽自製給小公主的體操緊身衣(詳文按此),試用了幾堂後,嘉嘉的非常合身,晴晴的卻有移位問題,所以需要改良緊身衣.
媽媽環保地用回紫色緊身衣上半身,配合新縫製的黑色下半身,試做了第一件雙色緊身衣,不太完美但可以接受,總算成功了.
晴晴說新緊身衣很合身.
她不斷看著新緊身衣,非常高興.
好古惑的二公主.
要知道新緊身衣合不合身,當然要做一些伸展動作試驗下.
背部也很穩陣,希望不會再有移位問題.
再試多幾個動作做新衣測試.
打了幾個前滾翻,還是很貼身.明天上課會做一個終極測試.
Little Panda Mommy 開了facebook 專頁
支持的Blog友們請點按連結
媽媽好叻啊! 體操衫都整到!
[版主回覆06/27/2013 07:39:56]Kitman,謝謝你.其實好易整,剪好縫埋一齊就搞掂.
晴晴真係好滿意
[小車回覆06/28/2013 11:37:01]教自己既小朋友真係好嘔血架…俾公主出去學都好…快D幫佢報名…
[版主回覆06/28/2013 11:09:32]她平日自己亂跳舞都唔錯,我一直都同老公講她有天份,可能他因此想俾她轉學舞.我在屋企教她基本功,她完全唔理我,自己狂熱地亂跳,真係無她辦法,要俾錢人賺至得.
[小車回覆06/28/2013 11:05:59]女仔慢熱好呀..對男人慢熱更加好…公主學跳舞會幾靚…一於俾佢試下…
[版主回覆06/28/2013 09:48:33]唔係呀!她好慢熱,對男人更慢熱10倍.第一堂她上得好好,乜都做又聽話,我不知幾感動.點知第二堂,她熱身完未正式上堂,就喊住出黎話要去廁所,返回課室唔夠2分鐘,又喊住咁話要走,最後無上大半堂,BB班教練過黎接她去玩.
第三堂熱身都唔肯做,因為男教練係裏面(但同時有另外3女1男教練),上左幾分鐘又喊住出黎,之後全堂坐在我大脾.教練建議轉做女教練,第4堂唔肯熱身,但跟左女教練好乖好開心.
昨天第5堂,又唔肯熱身.4個女教練逐一勸她都唔睬人,攬到我實一實話好驚(男教練).
所以帶埋她去取消課程,俾她一段冷靜期.如果她真係好想學,遲D再同她交學學.
爸爸諗緊可能俾她轉學跳舞或跆拳道.
[小車回覆06/27/2013 14:17:17]果男教練好惡!!!???
[版主回覆06/27/2013 12:57:04]她真係好鐘意,但點知今日上堂又見到男教練,嚇到幾個女教練勸她都唔肯上堂.最後,我要取消她的體操課(因為已經第3次唔肯上堂,警告左再唔上堂就取消).今日"親子班"的教練俾她一齊上堂,她玩得好開心,但太高又太大個女,唔適合同1歲多的小朋友一齊上堂.所以等她停一排再算.
好岩秒啵,佢仲好鐘意同好開心啵
[nor c回覆06/30/2013 17:28:03]why ?
[版主回覆06/30/2013 07:15:46]她好鐘意，但唔知幾時先會再著呢？