2009年5月10日

不經不覺囡囡已經十一個星期大,近來她不斷學習發音,人仔細細好多野講,又表情多多,夜奶亦近乎戒掉,真係好開心.第三個所謂的"猛長期"將至,希望我可以捱到啦.
母親節她叫左爸爸買卡俾我,又叫左嫲嫲買禮物俾我,仲食食下奶停左望住我,笑得好甜好甜,冧晒.見到她健康成長,最鐘意見到我(見到我就笑得好甜,又不斷同我講野),又聽得明我同佢講野,又開始識得玩玩具,好滿足呀.我最好的母親節禮物,就是這個小寶貝.